Μάνα, όταν θα γεράς

Μάνα, δος με την ευχή σ’,
θα παντρεύ’ και το παιδί σ’
Τη νύφεν θα φέρω σε,
να χαρεντερίζω σε

Μάνα, κι όταν θα γεράς
η νύφε θα έν’ σουμά σ’
Σο γιάνι σ’ θα ξημερών’,
’α δί’ σε έναν ποτήρ’ νερόν

Μάνα, το κορίτσ’ τ’ εμόν
έμορφον είναι και καλόν
Κι όπως αγαπά εμέν
αέτσ’ θα αγαπά κι εσέν

Μάνα, κι όταν θα γεράς
η νύφε θα έν’ σουμά σ’
Σο γιάνι σ’ θα ξημερών’,
’α δί’ σε έναν ποτήρ’ νερόν

Για τον κύρη μ’ πάντα λες,
μάνα, ’κι θέλω να κλαις
’Κ’ έτονε το τυχερόν
να ελέπ’ εμέν γαμπρόν

Μάνα, κι όταν θα γεράς,
η νύφε θα έν’ σουμά σ’
Σο γιάνι σ’ θα ξημερών’,
’α δί’ σε έναν ποτήρ’ νερόν