Χρόνι͜α πολλά

Χρόνι͜α πολλά, χρόνι͜α πολλά!
Τη χρόνου ξαν να ’σαι καλά
και χαρεμένον να έν’ η ψ̌η σ’
οσήμερον π’ έ͜εις τη εορτή σ’⇋

Οσήμερον που έ͜εις την εορτή σ’
οι φίλ’ τ’ εσόν κι οι συγγενείς
δίν’νε πολλά ευχ̌ία
Να έν’ γομάτον η ζωή σ’,
χαράν και ευτυχ̌ία

Χρόνι͜α πολλά, χρόνι͜α πολλά!
Τη χρόνου ξαν να είσαι καλά
και χαρεμένον να έν’ η ψ̌η σ’
οσήμερον που έ͜εις τη εορτή σ’⇋

Ατείν’¹ που αγαπούμε σε
την ψ̌η μουν δίομε² για τ’ εσέν
και ’ίνουμες γουρπάνι σ’
Τα ευλοΐας τη Θεού
να έ͜εις όλα απάν’ ι-σ’

Χρόνι͜α πολλά, χρόνι͜α πολλά!
Τη χρόνου ξαν να είσαι καλά
και χαρεμένον να έν’ η ψ̌η σ’
οσήμερον π’ έ͜εις τη εορτή σ’⇋

Να έ͜εις τη κοσμί’ όλια τα καλά,
όλια να έρχουνταν δεξ̌ιά
σα ’μούτι͜α σ’, σα μουράτι͜α σ’
και δάκρυ͜α σ’ όλεν τη ζωή σ’
να μη τρέχ’νε ας σ’ ομμάτι͜α σ’

Χρόνι͜α πολλά, χρόνι͜α πολλά!
Τη χρόνου ξαν να είσαι καλά
και χαρεμένον να έν’ η ψ̌η σ’
οσήμερον που έ͜εις τη εορτή σ’⇋