Η καρδία μ’ άψιμον

Η καρδία μ’ έν’ μωρόν
ζει με το παράμικρον
Η καρδία μ’ έν’ πουλίν
πώς να ζει σ’ έναν κλουβίν

Η καρδία μ’ άψιμον
ταγιανίζ’ το κάψιμον
Η καρδία μ’ γεραλίν
έν’ απότιστον κεπίν

Η καρδι͜ά μ’ φαρφαταρι͜ά
ας ση σεβτάν το πολλά
Η καρδία μ’ συμπονά
κλαίει με τ’ άλλα καρδόπα

Η καρδία μ’ άψιμον
ταγιανίζ’ το κάψιμον
Η καρδία μ’ γεραλίν
έν’ απότιστον κεπίν

Η καρδία μ’ συχωρά,
’κι ’ξέρ’ να κατηγορά
Η καρδι͜ά μ’ ’κι ψαλαφά,
του Θεού όλια καλά

Η καρδία μ’ άψιμον
ταγιανίζ’ το κάψιμον
Η καρδία μ’ γεραλίν
έν’ απότιστον κεπίν