Τη Τρίχας το γεφύριν

Ση γέφυραν, ση γέφυραν
[Έλα Δάφνε μ’, ποταμέ!]
ση Τρίχας το γεφύριν
[Ε! Δάφνε μ’ και μυριγμένε μ’]

Χ̌ίλι͜οι μαστόροι έχτιζαν
[Έλα Δάφνε μ’, ποταμέ!]
και μύρι͜οι μαθητάδες
[Ε! Δάφνε μ’ και μυριγμένε μ’]

Όλον τη μέραν έχτιζαν,
[Έλα Δάφνε μ’, ποταμέ!]
αποβραδής ’χαλάουτον
[Ε! Δάφνε μ’ και μυριγμένε μ’]

Ντό δί’ς με Πρωτομάστορα
[Έλα Δάφνε μ’, ποταμέ!]
να στένω το γεφύρι σ’;
[Ε! Δάφνε μ’ και μυριγμένε μ’]

Αν δίγω σε τον κύρη μου
[Έλα Δάφνε μ’, ποταμέ!]
άλλο κύρην πα ’κ’ έχω
[Ε! Δάφνε μ’ και μυριγμένε μ’]

Αν δίγω σε την μάνα μου
[Έλα Δάφνε μ’, ποταμέ!]
άλλο μανίτσαν ’κ’ έχω
[Ε! Δάφνε μ’ και μυριγμένε μ’]

Αν δίγω σε τ’ αδέλφι͜α μου
[Έλα Δάφνε μ’, ποταμέ!]
άλλ’ αδελφόπα ’κ’ έχω
[Ε! Δάφνε μ’ και μυριγμένε μ’]

Αν δίγω σε την κάλη μου
[Κόρ’ ανάμ’νον, κόρ’ ανάμ’νον]
καλύτερην ευρήκω
[Κόρ’, απάν’ ι-σ’ φόρ’ κι ας πάμε!]