Τρυγόνα

Εγώ εσέν εγάπανα,
[τρυγόνα μ’, τρυγόνα μ’]
εγώ εσέν εθέλ’να
[γιαρ, γιαρ, γιαρ, αμάν/ωφ, ωφ, ωφ, αμάν]
Τρανόν ομούτ’ σ’ εσέν είχα
[τρυγόνα μ’, τρυγόνα μ’]
κι ολόερα ’κ’ ετέρ’να
[ωφ, ωφ, ωφ, αμάν]

Τραγωδώ μονά-μονά
και η ψ̌η μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά

Ραχ̌ία σ̌κίζω κι έρχουμαι,
[τρυγόνα μ’, τρυγόνα μ’]
θάλασσαν ’κι φογούμαι
[γιαρ, γιαρ, γιαρ, αμάν/ωφ, ωφ, ωφ, αμάν]
Να ελέπω σε, μικρόν αρνί μ’,
[τρυγόνα μ’, τρυγόνα μ’]
μετ’ εσέν ν’ ανταμούμαι
[ωφ, ωφ, ωφ αμάν]

Τραγωδώ μονά-μονά
και η ψ̌η μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά

Μερακλία θα τραγωδώ,
[τρυγόνα μ’, τρυγόνα μ’]
καρίπ’κα θα σ̌υρίζω
[ωφ, ωφ, ωφ αμάν]
Αρνί μ’, τ’ εσόν το καρδόπον
[τρυγόνα μ’, τρυγόνα μ’]
εγώ θα τυραννίζω
[ωφ, ωφ, ωφ, αμάν/γιαρ, γιαρ, γιαρ αμάν]

Τραγωδώ μονά-μονά
και η ψ̌η μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά

Ολίγον νούντσον για τ’ εμέν
[τρυγόνα μ’, τρυγόνα μ’]
όντες θα πας κοιμάσαι
[γιαρ, γιαρ, γιαρ, αμάν/ωφ, ωφ, ωφ, αμάν]
Έκαψες το καρδόπο μου,
[τρυγόνα μ’, τρυγόνα μ’]
Θεόν που ’κι φογάσαι
[γιαρ, γιαρ, γιαρ, αμάν]

Τραγωδώ μονά-μονά
και η ψ̌η μ’ καρδοπονά
Τραγωδώ σεβνταλικά,
π’ έχ̌’ αχούλ’ ας εγροικά