Πεινώ και τρώγω αίματα

Πεινώ και τρώγω αίματα,
[Ν’ αηλί εμέν!]
διψώ και πίνω δά̤κρα̤
[Ντό να ’ίνουμαι;]
Τ’ εμόν η ψ̌η αέτσ’ θα εβγαίν’,
[Ν’ αηλί εμέν!]
θα τρώγ’νε με τα τέρτι͜α
[Ντό να ’ίνουμαι;]

Σα τέρτι͜α μ’, σα παράπονα μ’
[Ν’ αηλί εμέν!]
το γιατρικόν ’κ’ ευρέθεν
[Ντό να ’ίνουμαι;]
Το ψ̌όπο μ’ άλλο ’κι βαστά,
[Ν’ αηλί εμέν!]
η ζωή μ’ ετελέθεν
[Ντό να ’ίνουμαι;]

Μάνα, μη κλαις και μη πονείς
[Ν’ αηλί εμέν!]
ντ’ εκόπανε τα χρόνια μ’
[Ντό να ’ίνουμαι;]
Πουθέν ’κ’ ευρέθεν γιατρικόν
[Ν’ αηλί εμέν!]
για να λαρών’ τα πόνια μ’
[Ντό να ’ίνουμαι;]