Κάθκα, μη φεύ’ς

Ποίος Θεός θα συγχωρά,
εσέν ποίον θρησκείαν;
Έρθεν η ώρα να πονείς
τη καμένων καρδίαν

Κάθκα, μη φεύ’ς, κάθκα, μη φεύ’ς,
πόνον σην καρδά̤ μ’ άλλο μη φέρτς
Κάθκα, μη φεύ’ς, κάθκα, μη φεύ’ς,
θα αποθάνω εσύ αν φεύ’ς

Κανείς, καρδά̤ μ’, ’κ’ εγροίκ’σε μας,
εδώκανε μας πόνο
Φορτού ατώρα το σταυρόν
ση Γολγοθά το δρόμον

Κάθκα, μη φεύ’ς, κάθκα, μη φεύ’ς,
πόνον σην κάρδα̤ μ’ άλλο μη φέρτς
Κάθκα, μη φεύ’ς, κάθκα, μη φεύ’ς,
θα αποθάνω εσύ αν φεύ’ς

Πόσα πουκάλα̤ ευκαίρωσα!
πίνω σην υεία σ’, πίνω
Απέσ’ ση πίκρας το ποτήρ’
την ψ̌η μ’ θέλω ν’ αφήνω

Κάθκα, μη φεύ’ς, κάθκα, μη φεύ’ς,
πόνον σην κάρδα̤ μ’ άλλο μη φέρτς
Κάθκα, μη φεύ’ς, κάθκα, μη φεύ’ς,
θα αποθάνω εσύ αν φεύ’ς