Χαμόμηλον

Και ντ’ έπαθες, χαμόμηλον,
και στέκεις μουχλεμένον; [γιαρ]
Γιάμ’ η ρίζα σ’ εδίψασεν;
Γιάμ’ ο καρπό σ’ ελλάεν; [γιαρ]
Γιάμ’ ας σα χαμηλόκλαδα σ’
κανέναν ετραλίεν; [γιαρ]

Ουδ’ η ρίζα μ’ εδίψασεν,
ουδ’ ο καρπό μ’ ελλάεν [γιαρ]
Ουδ’ ας σα χαμηλόκλαδα μ’
κανέναν ετραλίεν [γιαρ]

Έναν κορίτσ’ κι έναν παιδίν
ση ρίζα μ’ εφιλέθαν [γιαρ]
Κι εποίκαν όρκον κι όμνυσμαν
να μ’ ευτάν’ χωρισίαν [γιαρ]

Κι ατώρα εποίκαν χωρισι͜άν,
έχω κι εγώ ας σο κρίμαν [γιαρ]