Τη Δράμαν δά̤κρυ͜α εγόμωσα

Θάλασσα με τα κύματα σ’,
δώστεν τ’ αρνί μ’ λαλίαν
Πέτ’ α̤το «αραεύ’νε σε,
μ’ ομμάτι͜α σεβταλία»

Μ’ ομμάτι͜α σεβταλία (x2)

Σουμά σα ξημερώματα
εξέβαν δύο -ν- άστρι͜α
Τ’ έναν εμοι͜άζ’ τον πρόσωπο σ’,
τ’ άλλο τα ψ̌ήα σ’ τ’ άσπρα

Τ’ άλλο τα ψ̌ήα σ’ τ’ άσπρα (x2)

Τη Δράμαν δά̤κρυ͜α εγόμωσα
και το Σταθμόν λαλίας
Αρνί μ’, θα καταρούμαι σε
να ’κχ̌ύουν τα μαλλία σ’

Να ’κχ̌ύουν τα μαλλία σ’ (x2)