Όλα̤ για την γαρήν

Επιστήμονες νουνίζ’νε
πάντα κάτ’ καινούρ’ να χτίζ’νε
κι όλον για την ευκολίαν τη γαρής
Ό,τι εβγάλλ’νε ατέ θα παίρ’ α̤’
ο αντιπρόσωπον θα φέρ’ α̤’
κι εσύ νούντσον πώς θα πληρώντς τα δόσεις

Πώς εχάλασαν τα χρόνα̤,
πώς έλλαξεν ο καιρόν!
Το αδύνατον το φύλον
κυβερνά το ισχυρόν, οσήμερον

Θερμοσίφωνες, ψυγεία,
κουζίνας και πλυντήρια
κι όλα̤ σην υπηρεσίαν τη γαρής
Κι όλον τη μόδαν τερούνε,
κοντά φιστάνα̤ φορούνε
και λόγον να λες ατ’ς-ε πα ’κ’ επορείς

Πώς εχάλασαν τα χρόνα̤,
πώς έλλαξεν ο καιρόν!
Το αδύνατον το φύλον
κυβερνά το ισχυρόν, οσήμερον

Με τον καφέν, το τσιγάρον,
καπνίζ’ν’ α’ άμον φουγάρον
Οσήμερον η ζωή έν’ για τ’ ατείντς
Τα καυκία τουν κουπίζ’νε,
τα ρομάντζα ξεφυλλίζ’νε,
το ποδάρ’ σ’ έν’ τ’ άλλ’ απάν’
Νασάν ατείντς!

Πώς εχάλασαν τα χρόνα̤,
πώς έλλαξεν ο καιρόν!
Το αδύνατον το φύλον
κυβερνά το ισχυρόν, οσήμερον