Ο γέρον και η γραία

Ο γέρον και η γραία
ντ’ έπαθαν και ταβίζ’νε;
Λένε λόγια άσ̌κεμα
τ’ έναν τ’ άλλο υβρίζ’νε

Παίρ’ η γραία το κουτάλ’
τον γέρον τριυλίζ’
Ατέ ατώρα πολεμά
το κιφάλ’ν ατ’ να σ̌κίζ’

Ο γέρον ’κι βαστάζ’
το παστόν’ ετοιμάζ’
Τ’ ομμάτι͜α τ’ εθόλωσαν
το παστόν’ κατηβάζ’

Η γραία εζαλίεν,
σο χώμαν εκυλίεν
Η γραία ελιγώθεν,
ο γέρον εφογώθεν

Ψαλαφά λίγο νερόν
τη γραία ν’ απολιγών’
Η γραία λαταρίζ’,
τον γέρον τσουρμουλίζ’

Ο γέρον επεχολιάστεν,
τη γραίαν εγκαλιάστεν
και ολόγερα τερεί
και τη γραίαν ατ’ φιλεί