Σα βουνά και σα ραχ̌ία

Ση Ρουσίαν, Βουλγαρίαν,
Ρουμανίαν και Σερβίαν
ζουν ηρωικά παιδία
που ’χ’νε έναν επιθυμίαν
σην Ελλάδαν ν’ αποθάν’νε
και το χώμαν να φιλάνε

Οι προδότες γκεσταπίτες
ζουν ελεύθερα αδά
Πού ’ν’ τα ηρωικά παιδία
που ’δωσαν ψ̌ην και καρδίαν;
Ζούνε ακόμαν εξορίαν
αχ! τρανόν έν’ αδικίαν

Τα παιδία όπου να ’ναι
σην Ελλάδαν μας θα φτάν’νε
Και οι γέρ’ και οι μανάδες,
τα παιδία κι οι κυράδες
δαφνοστέφανα θα ευτάν’νε
και σ’ απάντεμαν θα πάνε

Όνταν ελέπ’νε τα παιδία
τα βουνά και τα ραχ̌ία
θα θυμούνταν και θα κλαίνε
«ζήτω η ελευθεριά» θα λένε
δαφνοστέφανα θα ευτάν’νε
σοι συντρόφους για να πάνε