Τη ψ̌ης ι-σ’ τ’ ανοιγάρ’

Πού καικά να ευρίεσαι
και πού κέσ’ λιμενεύ’ς;
Σίναν τόπον να λάσ̌κεσαι,
με τίναν καλατσ̌εύ’ς;

Ποίος για εσέν έν’ το σ̌ολίκ’,
ποίος για εσέν το έσ̌ιν;
Σίναν εδέκες τ’ ανοιγάρ’
να εμπαίν’ σην ψ̌η σ’ απέσ’ -ι;

Σ’ ήμποιον στράταν πορπατείς,
τίνος κρατείς το χ̌έρι;
Και ποίος έν’ ο τυχερόν
ντο λιχνεύ’ το σ̌εκέρι;

Ποίος για εσέν έν’ το σ̌ολίκ’,
ποίος για εσέν το έσ̌ιν;
Σίναν εδέκες τ’ ανοιγάρ’
να εμπαίν’ σην ψ̌η σ’ απέσ’ -ι;

Πού κέσ’ παραβραδι͜άσ̌κεσαι
και πού κέσ’ ημερούσαι;
Άτσ̌απα ξάι νουνί͜εις εμέν
σο κρεβάτ’ ντο απλούσαι;

Ποίος για εσέν έν’ το σ̌ολίκ’,
ποίος για εσέν το έσ̌ιν;
Σίναν εδέκες τ’ ανοιγάρ’
να εμπαίν’ σην ψ̌η σ’ απέσ’ -ι;