Διάφορα δίστιχα (Διπάτ’)

Από τσ̌αχάλτς μικρόν παιδίν
αγαπώ τοι γαρήδες [γιαρ]
Ὰμα μη λες ατο πουθέν
εσύ ατό ντο είδες [γιαρ]

Όντες εγώ ετράνυνα
είπα -ν- ας αχουλεύω [γιαρ]
Ὰμα ’κι αφήν’ με ο δι͜άβολον,
’κι ξέρω ντ’ αρλαεύω [γιαρ]

Εκούζεψεν η πεθερά μ’
και λέει με «μαύρον φίδι» [γιαρ]
Πασ̌είμ’ ’κι ξέρ’ το όνομα μ’
ντο λέγ’νε με -ν- Ευκλείδη [γιαρ]

Το μουσ̌’, μουσ̌’, μουσ̌’/ το πουσ̌’, πουσ̌’, πουσ̌’
πολλά χαβάσ’ ευτάω [γιαρ]
Ση κοριτσί’ το γέλαμαν
δίγω την ψ̌η μ’ και πάω [γιαρ]