Διάφορα δίστιχα (Αργό)

Γιά έλα γιά θα έρχουμαι,
γιά το ποτάμ’ θα σ̌κίζω
Γιά στείλο με το μαντίλι σ’
τα δά̤κρυ͜α μ’ να σπογγίζω

Αφορισμέντσα Τσ̌όφα,
αρ’ έμπα απέσ’ και ψόφα
Εσέν ιεύ’ το σπόγγιγμαν
και το μαβίν η τσόχα

Γιά έλα γιά θα έρχουμαι,
ση στράταν θ’ απαντώ σε
Εντρέπουμαι να λέγω σε,
κορτσόπον, ντ’ αγαπώ σε

Πού είν’ ατείν’ που έλεγαν
«εμείς πάντα θα ζούμε»;
Ατείν’ επήγανε σον Άδ’,
εμείς αναστορούμε

Αροθυμία σ’ θα τρώει με,
εγάπη σ’ θα τελέν’ με
Ένα γραμμόπον ’κ’ έστειλες
τιδέν να έρ’ται λέει με