Κατηγόρα με

Είχα σε -ν- απέσ’ σο ψ̌όπο μ’ 
άμον άγγελον
Και -ν- εφίλ’να σε, πουλόπο μ’, 
έμορφον λουλούδ’

Και -ν- εσύ κατηγοράς με
και σον άλλον πας
Έμαθα, μικρόν πουλόπο μ’,
άλλον ντ’ αγαπάς

Κατηγόρα με, πουλόπο μ’,
κατηγόρα με
Το μαχ̌αίρ’ έπαρ’ σα χ̌έρι͜α σ’,
ντως και σκότα με
Κατηγόρα με, πουλόπο μ’,
κατηγόρα με

Είχα σε Θεό σο γιάνι μ’,
έμ’νε όλι͜ον χαράν
’Κ’ ελογάρι͜αζα, πουλόπο μ’,
ούτε τη παρά μ’

Και -ν- εσύ κατηγοράς με
και την ψ̌η μ’ ματώντς
Έναν άχαρον καρδόπον
πώς θα θανατώντς!

Κατηγόρα με, πουλόπο μ’,
κατηγόρα με
Το μαχ̌αίρ’ έπαρ’ σα χ̌έρι͜α σ’,
ντως και σκότα με
Κατηγόρα με, πουλόπο μ’,
κατηγόρα με