Πέτε με αν έτον έγκλημα

Πέτε με αν έτον έγκλημα,
αν έτον αμαρτίαν [γιαρ]
Γιατί εγάπεσα εγώ
παντρεμέντσα κυρίαν; [γιαρ]

Τ’ ομματόπα σ’ τα έμορφα,
τα κερασ̌ένια χείλη [γιαρ]
και ντ’ έμορφα χαμογελούν,
επέρανε την ψ̌η μ’ -ι [γιαρ]

Τη καρδία μ’ εποίκεν α’,
χ̌ίλα̤ δύο κομμάτα̤ [γιαρ]
όντες εκλώσκουτουν σ’ εμέν
κι ετέρ’νε με σ’ ομμάτα̤ [γιαρ]

Έτονε Σαββατόβραδον
ντ’ εγνώρτσα το πουλόπο μ’ [γιαρ]
Εποίκε με άμον παλαλόν
και τρώγω ’γώ [ξαν] το ψ̌όπο μ’ [γιαρ]