Τα κορτσόπα αγαπώ

Μικρός είμαι και σεβνταλής,
[Κορτσόπον, λάλ’ με!]
πολλά εγώ νουνίζω
[Λάλ’ με κι ας λαλώ σε!]
Τα κορτσόπα έρ’ταν σο νου μ’
[Κορτσόπον, λάλ’ με!]
και την ψ̌η μ’ τυρα̤ννίζω
[Λάλ’ με κι ας λαλώ σε!]

Κορτσόπον, λάλ’ με,
λάλ’ με κι ας λαλώ σε
’Μέτα παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»!

Ταράζω άν’, ταράζω κα’,
[Κορτσόπον, λάλ’ με!]
ταράζω τα βιβλία
[Λάλ’ με κι ας λαλώ σε!]
Ο νους ι-μ’ έν’ σο σεβνταλούκ’
[Κορτσόπον, λάλ’ με!]
ντο εύρα τη δουλείαν!
[Λάλ’ με κι ας λαλώ σε!]

Κορτσόπον, λάλ’ με,
λάλ’ με κι ας λαλώ σε
’Μέτα παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»!

Ετσάκωσεν ο χάρακαν
[Κορτσόπον, λάλ’ με!]
όντες σκαλών’ απάν’ ι-μ’
[Λάλ’ με κι ας λαλώ σε!]
γιατί εφίλ’να το κορίτσ’
[Κορτσόπον, λάλ’ με!]
ντ’ εκάθουτον σο γιάνι μ’
[Λάλ’ με κι ας λαλώ σε!]

Κορτσόπον, λάλ’ με,
λάλ’ με κι ας λαλώ σε
’Μέτα παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»!