Ελλάδα μ’, τ’ όνομα σ’ γλυκύν

Μικρόν ο τόπον ντο πιάντς
και σο τρανόν τον χάρτη
Ὰμα εσέν ζελεύ’νε σε
ούλα̤ τα ξένα κράτη

Αχ! Ελλάδα, φορτωμένον
με φουρτούνας και με μπόρας
Άνοιξον ξαν την εγκάλα̤ σ’
αδά σα δύσκολα τα ώρας

Πολλά παιδία έ͜εις εσύ
σ’ όλεν την Γερμανία,
σον Καναδάν, Αμερικήν,
μακρά σην Αυστραλία

Αχ! Ελλάδα, φορτωμένον
με φουρτούνας και με μπόρας
Άνοιξον ξαν την εγκάλα̤ σ’
αδά σα δύσκολα τα ώρας

Σην ψ̌ην ατουν έχ’νε σε
πατρίδα ημέρα-νύχταν
Σο κάλεσμα σ’ θα έρ’τανε
απέσ’ και σ’ έναν νύχταν

Αχ! Ελλάδα, φορτωμένον
με φουρτούνας και με μπόρας
Άνοιξον ξαν την εγκάλα̤ σ’
αδά σα δύσκολα τα ώρας

Ελλάδα μ’, τ’ όνομα σ’ γλυκύν,
χρυσόν έν’ κι η ιστορία σ’
Τραντέλλενοι ’πολέμεσαν
για την ελευθερία σ’
Τραντέλλενοι θα πολεμούν
για την Μακεδονία σ’

Αχ! Ελλάδα, φορτωμένον
με φουρτούνας και με μπόρας
Άνοιξον ξαν την εγκάλα̤ σ’
αδά σα δύσκολα τα ώρας