Κορτσόπον, ας σ’ είδα σε κιάν’

Κορτσόπον, ας σ’ είδα σε κιάν’
’κ’ επορώ να κοιμούμαι
Κλώσκουμαι αδά, κλώσκουμαι ακεί,
όλον εσέν θυμούμαι

Για τ’ εσέναν, για τ’ εσέναν,
για τ’ εσέν εγώ θα χάμαι
Πόσα παλαλά τ’ ομμάτι͜α μ’
για τ’ εσέν, πουλί μ’, ευτάγ’νε

’Κ’ επορώ ν’ ανασπάλω σε,
έκαψες την καρδία μ’
Ους να δί’ς μ’ έναν φίλεμαν
θ’ ασπρύν’νε τα μαλλία μ’

Για τ’ εσέναν, για τ’ εσέναν,
για τ’ εσέν εγώ θα χάμαι
Πόσα παλαλά τ’ ομμάτι͜α μ’
για τ’ εσέν, πουλί μ’, ευτάγ’νε

Όρκον επέρα με την ψ̌ην,
εσέν να στεφανούμαι
και σο ζεστόν τ’ εγκαλόπο σ’
βαθέα να κοιμούμαι

Για τ’ εσέναν, για τ’ εσέναν,
για τ’ εσέν εγώ θα χάμαι
Πόσα παλαλά τ’ ομμάτι͜α μ’
για τ’ εσέν, πουλί μ’, ευτάγ’νε