Ετέρ’νες πολλά υψηλά

Κρίμα [γιαβρί μ’] σ’ έμορφα τ’ ομμάτι͜α σ’,
τσ̌άπαν [πουλί μ’] εχαραμίγαν
Τα χρόνια σ’ [γιάβρι μ’] ντο εδέβανε
’κ’ ενούνιζες [πουλί μ’] καμίαν

Τα χρόνια σ’ [γιάβρι μ’] ντο εδέβανε
[τσούνας κουτάβ’] ’κ’ ενούνιζες καμίαν

Ετέρ’νες [γιάβρι μ’] πολλά υψηλά,
να παίρτς [πουλί μ’] καν’νάν ’κ’ εθέλ’νες
Κι ατώρα [γιάβρι μ’] τυραννίεσαι
σο ραφόπον [πουλί μ’] ντ’ επέμ’νες

Κι ατώρα [γιάβρι μ’] τυραννίεσαι
[τσούνας κουτάβ’] σο ραφόπον ντ’ επέμ’νες

Πού είν’ [γιαβρί μ’] εκείνα τα φτερά σ’;
άλλο [πουλί μ’] ’κι λαταρίουν
Ατώρα -ν- άλλο [γιάβρι μ’] για τ’ εσέν
παλληκάρι͜α [πουλί μ’] ’κ’ ευρίουν

(Κι) ατώρα -ν- άλλο [γιάβρι μ’] για τ’ εσέν
[τσούνας κουτάβ’] παλληκάρι͜α ’κ’ ευρίουν