Φωτίαν εσέγκες

Ας σ’ είδα σε κιάν’, κορτσόπο μ’,
πάντα λύεται η ψ̌η μ’
Εσέβες απέσ’ σο αίμα μ’,
γιάβρι μ’, κι απέσ’ ση ζωή μ’

Φωτίαν εσέγκες
απέσ’ σο καρδόπο μ’
Φωτία δυνατόν,
εμέν θα θανατών’

Αραεύ’νε σε τ’ ομμάτι͜α μ’,
γιάβρι μ’, και πονώ πολλά
Η σεβντά μ’ ετράνυνεν,
άλλο ’κι ’ίνεται καλά

Φωτίαν εσέγκες
απέσ’ σο καρδόπο μ’
Φωτία δυνατόν,
εμέν θα θανατών’

Άλλο ’κ’ επορώ θα χάμαι
εγώ, γιάβρι μ’, για τ’ εσέν
Άφ’ς τη μάνα σ’ και τον κύρη σ’
κι έλα, πουλί μ’, μετ’ εμέν

Φωτίαν εσέγκες
απέσ’ σο καρδόπο μ’
Φωτία δυνατόν,
εμέν θα θανατών’