Γέρος είμαι, ’κ’ επορώ

Γάλι͜α-γάλι͜α παίξτε͜ ατο,
ας χορεύω Τικ χορόν
Γέρος είμαι, ’κ’ επορώ,
’κι κρατεί το γόνατο μ’!

Όντες έμ’νε παλληκάρ’
’χόρευα σ’ έναν ποδάρ’
Σα κορτσόπα αναμεσά
έμ’νε άμον κεχριμπάρ’

Γεια σου, Σάκη, με το χρυσόν το δαχτυλόπο σ’!

Η γραία σο γιάν’ ατ’ κιάν’
χορεύ’ και χ̌υμίεται
Ο νους ατ’ κλώσ̌κεται οπίσ’
κι η καρδία τ’ λύεται

Ο γέρον ατά ντο λέει
όλια είν’ αληθινά
Γεροντάδες λέγ’ν’ ατο,
«η καρδία ’κι γερά»

Ποίστεν τόπον ας χορεύ’,
δότε͜ ατον λίγο χαράν
Νεολαία σημερ’νόν,
σ’ εσάς πα θ’ έρ’ται η σειρά!