Ας φιλώ σε, Κερεκή

Βρε θα παίρω σε -ν- και φεύω
βρε πουλόπο μ’, σα μακρά
Βρε θα παίρω σε -ν- και φεύω
βρε κορτσόπον, σα μακρά
Θα λασ̌κίζω σε, κορτσόπον/πουλόπο μ’,
όλι͜α τα ποντιακά

Πάμ’ αδά, πάμ’ ακεί,
ας φιλώ σε, Κερεκή
Με τ’ εφίλεσα σε μίαν
πας̌ κι εποίκα σε ζεμίαν;

Κορτσόπον, απάν’ σην πίσταν
θα χορεύ’ς μονάχα εσύ
Ο Γιωρίκας παίζ’ τη λύραν,
ο κόσμον χ̌ειροκροτεί

Πάμ’ αδά, πάμ’ ακεί,
ας φιλώ σε, Κερεκή
Με τ’ εφίλεσα σε μίαν
πας̌ κι εποίκα σε ζεμίαν;

Θα πίνομ’ και θα μεθύνομ’,
πούλτσον όλι͜α τ’ εμπροστά σ’
Τα καρσόνι͜α¹ να τσακών’νε
τα πϊάτα εμπροστά σ’

Πάμ’ αδά, πάμ’ ακεί,
ας φιλώ σε, Κερεκή
Με τ’ εφίλεσα σε μίαν
πας̌ κι εποίκα σε ζεμίαν;