Σο Γεντί Κουλέ, μανίτσα μ’

Αιχμαλώτος επιάστα,
κουβαλούνε με
Με δεμένα τα χ̌ερόπα μ’,
μάνα, κρού’νε με

Σο Γεντί Κουλέ, μανίτσα μ’,
εκειαπάν’ ψηλά
τα σίδερα εζαρώθαν
ση ράχ̌ι͜α μ’ απάν’

Επήγα νερόν να πίνω
σα χ̌έρι͜α μ’ απάν’
Εντώκαν και -ν- εξάπλωσαν
σο χώμαν απάν’

Σο Γεντί Κουλέ, μανίτσα μ’,
εκειαπάν’ ψηλά
παλληκάρι͜α εσκοτώθαν
σ’ ομμάτι͜α μ’ μπροστά

Έλα, μανίτσα, κατήβα,
έλα έλεπον
Ας σα βάσανα ντ’ ευτάνε
η ψ̌η μ’ θα εβγών’

Σο Γεντί Κουλέ, μανίτσα μ’,
εκειαπάν’ ψηλά
σα τουβάρι͜α ’κειάν επέμ’νανε
τα αίματα

Μάνα, σφίξον την καρδία σ’,
πέτραν ποίσον α’
Φέρε με -ν- και τα παιδία μ’,
θα σκοτών’νε με

Σο Γεντί Κουλέ, μανίτσα μ’,
εκειαπάν’ ψηλά
Άλλο, μανίτσα μ’, ’κι αντέχω
ας σα βάσανα