Είμαι φτωχός

Είμαι φτωχός και ’κ’ επορώ
τα κάλλι͜α σ’ ν’ αγοράζω
Μετ’ εσένα την έμορφον
τη καρδι͜ά μ’ να μοιράζω

Εσύ εμέν ’κ’ εθέλεσες,
είχες περηφανείαν
Εσύ επεριφρόνησες
τ’ εμόν την εφτωχ̌είαν

Τ’ ομούτι͜α σ’ έτανε αλλού,
τον πλούσιον εθέλ’νες
και με την περηφανεία σ’
τον εφτωχόν ’κ’ επαίρ’νες

Κι ατώρα επουσ̌μάνεψες
κι άδικα τυραννί͜εις με
Εγώ άλλεν εγάπεσα,
ξάι μη παρακαλείς με