Να λελεύω σε, μανίτσα μ’

Να λελεύω σε, μανίτσα μ’,
αγαπώ σε, εξέρτς ατο
Λόγον σο κορίτσ’ εδέκα
σ’ οσπίτι μ’ να φέρ’ ατο

Μη τσ̌αΐ͜εις, νε μανίτσα μ’,
η καρδία μ’ πονεί
Χωρίς ατό το κορίτσ’
άλλο ’κ’ έχω ζωήν/
’κ’ ησυχάζ’ τ’ εμόν η ψ̌η

Έναν κι έναν είμες δύο,
τρία, μάνα, μετ’ ατέν
Την καρδία μ’ θα μοιράζω
για τ’ εσέν και για τ’ ατέν

Μη βαρκί͜εις απάν’ ι-μ’, μάνα μ’,
έ͜εις με έναν και μαναχόν
Καλωσόρτσον και τη νύφεν,
ποίσον το χατίρ’ τ’ εμόν

Μη τσ̌αΐ͜εις, νε μανίτσα μ’,
η καρδία μ’ πονεί
Χωρίς ατό το κορίτσ’
άλλο ’κ’ έχω ζωήν/
’κ’ ησυχάζ’ τ’ εμόν η ψ̌η

Έναν κι έναν είμες δύο,
τρία, μάνα, μετ’ ατέν
Την καρδία μ’ θα μοιράζω
για τ’ εσέν και για τ’ ατέν