Ματσουκάτ’κα

Τσ̌οπάνος με τα πρόβατα
λάσ̌κεται τα ραχ̌ία
Πίνει τα κρύα τα νέρα
και σύρ’ τη μαναχ̌ίαν

Τσ̌οπάνε μ’ και τα πρόβατα σ’,
τσ̌οπάνε μ’ και τ’ αρνόπα σ’
Ατά εγροικούν τη χαρά σ’,
εξέρ’νε ας σα τερτόπα σ’

♫

Έλα αδά και δέβα ακεί,
έλ’ ας φιλώ σε κι επεκεί
Με τ’ εφίλεσα σε μίαν
πας̌ κι εποίκα σε ζεμίαν;

Άσπρεσσα άμον το χ̌ιόν’,
κόκκινος άμον χρυσόν
Άγγελος θα ’ίνουμαι,
θα παίρω την ψ̌ην τ’ εσόν

♫

Θεία μ’, με το κορτσόπο σου
πολλά μη τυρα̤ννί͜εις με
Σίτα̤ κοιμούμαι νόστιμα
χαντυλλιάζ’ κι εγνεφίζ’ με

Εφίλεσα το κορτσόπο σ’,
ντ’ εποίκα σε, νε θεία,
και κουρατάν εποίκες με
απέσ’ σα παθενία;