Λελεύω σε

Απόψ’ έρθεν ο άγγελον
και είπε με θα παίρ’ με
Επαρακάλεσα, πουλί μ’,
σουμά σ’ εσέν να φέρ’ με

Λελεύω σε, λελεύω σε
και ντό πολλά αγαπώ σε!
Άμα ’κ’ ελέπω σε, πουλί μ’,
πώς θέλτς να τραγωδώ σε;

Τέρε με, πουλί μ’, τέρε με,
τέρε με απέσ’ σ’ ομμάτι͜α μ’
Εγώ όντες εσέν τερώ
ποτάμ’ τρέχ’νε τα δάκρυ͜α μ’

Λελεύω σε, λελεύω σε
και ντό πολλά αγαπώ σε!
Άμα ’κ’ ελέπω σε, πουλί μ’,
πώς θέλτς να τραγωδώ σε;

Μη λέτε με, μη λέτε με
τη κάλη μ’ ν’ ανασπάλλω
Μη λέτε με, χωρίς ατέν
ζωή ’κι θέλω άλλο

Λελεύω σε, λελεύω σε
και ντό πολλά αγαπώ σε!
Άμα ’κ’ ελέπω σε, πουλί μ’,
πώς θέλτς να τραγωδώ σε;

Λελεύω σε, λελεύω σε
και ντό πολλά αγαπώ σε!
Άμα ’κ’ ελέπω σε, πουλί μ’,
πώς θέλτς να τραγωδώ σε;