Καρσλίδικα

[Και -ν-] Έλα, πουλί μ’, [και] να χ̌αίρουμες
[Και -ν-] εγώ είμαι γιολτσ̌ής -ι
[Και] Σο καρδόπο μ’ [και -ν-] εδούλεψεν
[Και] Εβραίος δι͜αμιρτσ̌ής -ι

[Και -ν-] Ανάθεμα σε [και] νε κόρη
[Βάι!] ’κ’ ελέπ’ς πώς ανασύρω;
Πας̌ κ’ εγέννεθα για τ’ εσέν
δάκρυ͜α πάντα να ’κχ̌ύνω;
 
♫

Ψηλόν ραχ̌ίν χαμέλυνον
κι ας ελέπω τον ήλον
ν’ ελέπω και την τρυγόνα μ’
το κόκκινον το μήλον
Ελέπω και την τρυγόνη μ’
το κόκκινον το μήλον
[Όι, όι, όι] το κόκκινον το μήλον

Άμον έναν ψηλόν ραχ̌ίν
χ̌ιονοκαπατεμένον
Αέτσ’ έν’ και το καρδόπο μ’
βάσανα φορτωμένον
[Όι, όι, όι] βάσανα φορτωμένον