Αγαπώ σε

Γιαβρόπο μ’ χ̌ιλιοπλούμιστον
και ηλιοφωταγμένον,
εποίκες το καρδόπο μου
σεβντάς καπατεμένον

Αγαπώ σε, αγαπώ σε,
’κι χορτάζω όντες τερώ σε
Θάνατον πα ’κι νουνίζω,
εσέν, πουλί μ’, ποδεδίζω!

’Κατήβαν ας σον ουρανόν
αγγέλ’ για να τερούνε
Θα μέν’νε σον παράδεισον
γιάμ’ μετ’ εσέν θα ζούνε;

Αγαπώ σε, αγαπώ σε,
’κι χορτάζω όντες τερώ σε
Θάνατον πα ’κι νουνίζω,
εσέν, πουλί μ’, ποδεδίζω!

Θα στρώνω σε του ουρανού
τα λίβι͜α να κοιμάσαι
Να εγροικάς ατο, αρνί μ’,
η ψ̌η μ’ πως αγαπά σε

Αγαπώ σε, αγαπώ σε,
καίγουμαι όντες φιλώ σε
Θάνατον πα ’κι νουνίζω,
εσέν, πουλί μ’, ποδεδίζω!

Γουρπάν’ σα χ̌είλια σ’ τ’ έμορφα,
ούντας/όντες φιλούν σκοτών’νε
Όσον και να φιλώ ατα
εμέν ’κι φαρμακών’νε

Αγαπώ σε, αγαπώ σε,
’κι χορτάζω όντες φιλώ σε
Θάνατον πα ’κι νουνίζω,
εσέν, πουλί μ’, ποδεδίζω!