Για τ’ εσέν ’κολατίγα

Την καρδία μ’ και το ψ̌όπο μ’
σα χ̌έρι͜α σ’ καλά κρατείς
Για τ’ εσέναν παλαλούμαι
κι εσύ πλάν καικά τερείς

Ελύγα, πουλί μ’, ελύγα,
για τ’ εσέν ’κολατίγα
Μετ’ έναν γλυκόν φίλεμα σ’
σ’ άλλον κόσμον επήγα

Εσύ είσαι φως σ’ ομμάτι͜α μ’,
ο ήλεν απάν’ ση γην
Εσύ το νερόν ντο ’κχ̌ύνω
ση καρδι͜άς ι-μ’ το κεπίν

Ελύγα, πουλί μ’, ελύγα,
για τ’ εσέν ’κολατίγα
Μετ’ έναν γλυκόν φίλεμα σ’
σ’ άλλον κόσμον επήγα

Ποίσον ντο λέει η καρδία σ’,
ολόερα μη τερείς
Έναν ψ̌όπον χαρεμένον
ποίσον, ρίζα μ’, επορείς

Ελύγα, πουλί μ’, ελύγα,
για τ’ εσέν ’κολατίγα
Μετ’ έναν γλυκόν φίλεμα σ’
σ’ άλλον κόσμον επήγα