Τρυγόνα

Ακεί πέραν σ’ ορμανόπον
[η τρυγόνα, η κορώνα]
έστεκεν κι εποίν’νεν ξύλα
[η τρυγόνα, η κορώνα]

Τα ξύλα τ’ς έταν οξέας
[η τρυγόνα, η κορώνα]
κι άντρας ατ’ς έτον μυξέας
[η τρυγόνα, η κορώνα]

Πορπατεί και πάει ομάλι͜α
[η τρυγόνα, η κορώνα]
τ’ ορταρόπα τ’ς αρνομάλλι͜α
[η τρυγόνα, η κορώνα]

Πορπατεί και πάει τίκια
[η τρυγόνα, η κορώνα]
τ’ ορταρόπα τ’ς είν’ τιφτίκια
[η τρυγόνα, η κορώνα]

Η τρυγόνα με τ’ αντζία,
[η τρυγόνα, η κορώνα]
πάει σ’ ορμάν’ σερεύ’ τσατσία
[η τρυγόνα, η κορώνα]