Τ’ ορφανέσσας το νυφέπαρμαν

Διήμερα, τριήμερα
την νύφεν παραστέκ’νε
Φορίζ’ν ατεν, στολίζ’ν ατεν
κι ατέν ’κι στεφανών’νε [νέι]

Στείλ’νε σον Άδην μένεμαν
τον κύρ’ν ατ’ς παραγγέλ’νε
κι ο κύρ’ς ατ’ς ’πέρεν μένεμαν
κι ελάλεσεν τον Χάρον [νέι]

Έλα, Χάρε, ας παλεύομε
σο χάλκενον τ’ αλώνιν [νέι]
Επάλεψαν, επάλεψαν
κι ο Χάρον ’κ’ ενικέθεν [νέι]

Ακούσατε ντο μένεσεν
ο κύρ’ς ατ’ς ας σον Άδην [νέι]
Ας τρών’ και πίν’ν’ οι φίλοι μου
και παραστέκ’ν’ την κόρη μ’ [νέι]