Τ’ εγγράματους επίασαν

Τ’ εγγράματους επίασαν
και Μητροπολιτάδες
Σην φυλακήν εσέγκαν ατ’ς
ατείν’ οι τσ̌ανταρμάδες

Κρατούν και τυρα̤ννίζ’ν’ ατ’ς,
’κι αφήν’ν’ ατ’ς σ’ ησυχίαν
Τσ̌αΐζ’νε (κι) υβρίζ’νε,
κρού’νε με μανίαν

Είχανε λέει οργάνωση,
την ψ̌ην ατουν εδίν’ναν
Τον Πόντον ανεξάρτητον
ατείν’ για να εποίν’ναν

Βαρύν κατηγορίαν,
καιρόν ατείν’ ’κι χάν’νε
Με/Σε θάνατον δικάζ’ν’ ατ’ς
κι ούλτς ατουν κρεμάν’νε

Βαρύν το πένθος ερρούξεν
σην Μπάφραν, σην Σαμψούνταν
Σο Αλατσ̌άμ μοιρολογούν,
κλαίνε και καταρούνταν

Γαρήδες κλαίν’ αντρούδες,
μανάδες τα παιδία
Μανίτσα μ’, σον Πόντον
ερρούξεν φωτίαν