Ελενίτσα

Ελενίτσα, Ελενίτσα μ’,
εσέν αγαπώ!
Τ’ έμορφα τα τσ̌αλουμόπα σ’
να λελεύω εγώ!
Τα κόκκινα τα μαλλόπα σ’,
τα γλυκέα τα χ̌ειλόπα σ’
μίαν ας φιλώ, μίαν ας φιλώ

Ελενίτσα, Ελενίτσα μ’,
είσαι η χαρά μ’!
Τη σεβντάν εσύ εσέγκες
απέσ’ σην καρδι͜ά μ’
’Κι χορτάζω να τερώ σε,
Ελενίτσα μ’, αγαπώ σε,
είσαι η χαρά μ’, είσαι η χαρά μ’

Ελενίτσα, Ελενίτσα μ’,
έλα μετ’ εμέν,
Ψεύτικον αούτ’ ο κόσμος,
’δέν ’κι θ’ απομέν’!
Ελενίτσα, ας ση Δράμαν,
έλα ας χ̌αίρουμες εντάμαν,
έλα μετ’ εμέν, έλα μετ’ εμέν