Γλυκολάλετον πουλόπον

Γλυκολάλετον πουλόπον,
σην καρδία μ’ εύρες τόπον
Εκειαπέσ’ σ’ έναν μερέαν,
έχτ’σες τη εγάπ’ς φωλέαν

Άνοιξον φτερά ας πάμε,
ήντι͜αν σύρ’ η ψ̌η σ’ ευτάμε
Την εγάπη μ’ τραγωδούμε,
σον παράδεισον ντο ζούμε

Χ̌ιλι͜οπλούμιστον, κορτσόπο μ’,
έμπα κι έβγα σο καρδόπο μ’
Και ση στράτα σ’ μ’ ανασπάλλεις,
ας σο νου σ’ εμέν μ’ εβγάλλεις

Αναμένω σε, γιαβρόπο μ’,
έλα έξ’ ας σ’ οσπιτόπο μ’
Εσέν θέλω ν’ αγκαλιάζω,
ας φιλώ σε και χορτάζω