Βγάλλω ας σην ψη μ’ εγάπην

Λύραν παίζω και χορεύ’νε
τα κορτσόπα τη χωρί’
και τερούνε με σ’ ομμάτι͜α,
καίγουνταν για έναν φιλήν

Βγάλλω ας σην ψ̌η μ’ εγάπην,
δίγω με το παραπάν’
Άλλ’ γλεντούνε με τα ζίλια
κι άλλ’ γλεντούν’ με το γαπάν’

Έλα, ρίζα μ’, σο χωρίον
έλα, θα περάντς καλά
Θα γλεντούμε με τ’ αγγείον,
θα χορεύ’ς και τα μονά

Βγάλλω ας σην ψ̌η μ’ εγάπην,
δίγω με το παραπάν’
Άλλ’ γλεντούνε με τα ζίλια
κι άλλ’ γλεντούν’ με το γαπάν’

Σην εγκάλι͜α μ’ ρούξον, ρίζα μ’,
τα μεσόπα σ’ ας κρατώ
Λαταρίζ’νε τα χ̌ειλόπα σ’
κι αναμέν’νε να φιλώ

Βγάλλω ας σην ψ̌η μ’ εγάπην,
δίγω με το παραπάν’
Άλλ’ γλεντούνε με τα ζίλια
κι άλλ’ γλεντούν’ με το γαπάν’

Βγάλλω ας σην ψ̌η μ’ εγάπην,
δίγω με το παραπάν’
Άλλ’ γλεντούνε με τα ζίλια
κι άλλ’ γλεντούν’ με το γαπάν’