Τη Τρίχας το γεφύρι

Ση γέφυραν, ση γέφυραν
[Έλα Δάφνε μ’, ποταμέ!]
ση Τρίχας το γεφύριν
[Ε! Δάφνε μ’ και μυριγμένε μ’]

Χ̌ίλι͜οι μαστόροι έχτιζαν
[Έλα Δάφνε μ’, ποταμέ!]
και μύρι͜οι μαθητάδες
[Ε! Δάφνε μ’ και μυριγμένε μ’]

Όλεν τη μέραν έχτιζαν,
[Έλα Δάφνε μ’, ποταμέ!]
το βράδον εχαλάουτον
[Ε! Δάφνε μ’ και μυριγμένε μ’]

♫

-Ντό δί’ς με, πρωτομάστορα
να στένω το γεφύρι σ’;
-Αν δίγω σε τον κύρη μου
άλλο κύρην πα ’κ’ έχω

-Ντό δί’ς με, πρωτομάστορα
και χτίζω το γεφύρι σ’;
-Αν δίγω σε την μάνα μου
άλλο μανίτσαν ’κ’ έχω

-Ντό δί’ς με, πρωτομάστορα
σταλίζω το γεφύρι σ’;
-Αν δίγω σε τ’ αδέλφια μου
άλλ’ αδελφόπα ’κ’ έχω


♫

-Ντό δί’ς με, πρωτομάστορα
[Έλα Δάφνε μ’, ποταμέ!]
στερένω το γεφύρι σ’;
[Ε! Δάφνε μ’ και μυριγμένε μ’]

♫

-Αν δίγω σε την κάλη μου
[Έλα Δάφνε μ’, ποταμέ!]
καλύτερον ευρήκω
[Ε! Δάφνε μ’ και μυριγμένε μ’]