Όνειρον έναν η ζωή σ’

Τη καλομάνας το μεσέλ’
κι άλλο γλυκύν έν’ ας σο μέλ’
Άμον εκείνεν π’ αγαπώ
κι έναν ζωήν καρδοχτυπώ

Κανείς μη λέει ατο, κανείς,
όνειρον έναν η ζωή σ’
Και όνειρον αν θ’ απομέν’
κλαίει το καρδόπο σ’, κλαίει η ψ̌η σ’

Κρούει η καρδία σ’, αγαπάς
και έναν όνειρον ευτάς
Θα καίει την ψ̌η σ’ έναν ζωήν,
φωτία έν’ και ’κι νεβζήν’

Κανείς μη λέει ατο, κανείς,
όνειρον έναν η ζωή σ’
Και όνειρον αν θ’ απομέν’
κλαίει το καρδόπο σ’, κλαίει η ψ̌η σ’

Τη καλομάνας το μεσέλ’
για δείξτε με έναν που ’κι θέλ’
Τα όνειρα τ’ όποιος χάν’
κι άλλο καλλίον ν’ αποθάν’

Κανείς μη λέει ατο, κανείς,
όνειρον έναν η ζωή σ’
Και όνειρον αν θ’ απομέν’
κλαίει το καρδόπο σ’, κλαίει η ψ̌η σ’