Σο μεϊτάν τα λύρας παίζ’νε

Σο μεϊτάν’ ετοπλαεύταν,
έστεσαν χορόν
Όλια τα κορτσόπα έρθαν,
’κ’ έρθεν ξαν τ’ εμόν ⇋

Σο μεϊτάν’ τα λύρας παίζ’νε
και όλ’ τραγωδούν
Εγώ πλάν’ καικά ντο στέκω
κανείς ’κι ορωτούν ⇋

Σο μεϊτάν’ τα παλληκάρι͜α
λένε και γελούν
Μαναχόν τ’ εμά τα χ̌είλια
’κι χαμογελούν ⇋

Σο μεϊτάν’ τα λύρας παίζ’νε
και όλ’ τραγωδούν
Εγώ πλάν’ καικά ντο στέκω
κανείς ’κι ορωτούν ⇋

Σο μεϊτάν’ άλλο ’κι πάω,
εκεί αγαπούν
Σο μεϊτάν’ ντό αραεύ’νε
εκείν’ που πονούν; ⇋

Σο μεϊτάν’ τα λύρας παίζ’νε
και όλ’ τραγωδούν
Εγώ πλάν’ καικά ντο στέκω
κανείς ’κι ορωτούν ⇋

Σο μεϊτάν’ τα λύρας παίζ’νε
και όλ’ τραγωδούν
Εγώ πλάν’ καικά ντο στέκω
κανείς ’κι τερούν

Σο μεϊτάν’ τα λύρας παίζ’νε
και όλ’ τραγωδούν
Εγώ πλάν’ καικά ντο στέκω
κανείς ’κι ορωτούν ⇋