Άψιμον σο καρδόπο μ’

Για τερέστεν το κορίτσ’
πώς εσέβεν σο χορόν
Η λαλία μ’ κόπεται,
το τοξάρι μ’ παλαλών’

Ξάι σ’ ομμάτι͜α μ’ ’κι τερεί με,
ψαλαφώ χαμπάρ’ να δί’ με
Άψιμον σο καρδόπο μ’
ωχ! ν’ αηλί εμέν!

Αραεύω σο μιλέτ’
να μαθάνω για τ’ ατέν
Η καρδι͜ά μ’ βρουλίεται,
η ψ̌η μ’ άλλο ’κι αναμέν’

Ξάι σ’ ομμάτι͜α μ’ ’κι τερεί με,
ψαλαφώ χαμπάρ’ να δί’ με
Άψιμον σο καρδόπο μ’
ωχ! ν’ αηλί εμέν!

Τον ήλεν παρακαλώ
όντες πάει να βασιλεύ’
το μικρόν τ’ αρνίν
σην εγκάλια μ’ ν’ απομέν’

Και σ’ ομμάτι͜α θα τερεί με
και σεβντάς χαμπάρ’ θα δί’ με
Θέλ’ ’κι θέλ’ θα παίρ’ ατεν,
με τον φέγγον κλέφτ’ ατεν