Τσ̌οπάνος με τα πρόατα

Τσ̌οπάνος με τα πρόατα
λάσ̌κεται τα ραχ̌ία [όι, όι, όι]
Πίνει τα κρύα τα νερά
και σύρ’ τη μαναχ̌ίαν [όι, όι, όι]

Ερίαζα τα στράτας ι-σ’,
τσ̌οπάνε μ’, σ’ ορμανόπα [όι, όι, όι]
Έμπρι͜α ’λάλ’νες τα πρόατα
και αποπίσ’ τ’ αρνόπα [όι, όι, όι]

Τσ̌οπάνε μ’, ντό γιοσμάς είσαι;
Νασάν που έ͜ει σε άντρα! [όι, όι, όι]
Άφ’ς ατα κι έλα μετ’ εμέν,
τα πρόατα σ’ ’κι χάν’νταν [όι, όι, όι]

Τα πρόατα μ’ ’κι αφήν’ ατα,
ταράουνταν σ’ αρνία [όι, όι, όι]
Αν θέλτς εσύ έλα εύρε με
σα βαθέα τ’ ορμία [όι, όι, όι]