Μαζί θα είμες σην χαράν

Ατώρα π’ ενταμέθαμε
με τη Θεού το νόμον
Τα ψ̌ήα μουν εδέθανε,
τα τέρτι͜α μουν εδέβανε,
η εγάπ’ για τ’ εμάς μόνον

Όλεν τον κόσμον αγαπώ
αφού αγαπώ εσένα
Αφού για τ’ εσέν μόνο ζω
και τη ζωή μ’ σ’ εσέν χρωστώ
κι εσύ ’σαι για τ’ εμένα

Ατώρα π’ ενταμέθαμε
με τη Θεού το νόμον
Τα ψ̌ήα μουν εδέθανε,
τα τέρτι͜α μουν εδέβανε,
η εγάπ’ για τ’ εμάς μόνον

Μαζί θα είμες ση χαράν,
μαζί σ’ όλι͜α τα πόνι͜α
Μαζί θα ευτάμε παλαλά
άμον παιδία, άμον μωρά,
να φεύ’νε αέτσ’ τα χρόνι͜α

Τάμαν θα ευτάγω σο Θεόν
π’ εγνώρτσα εγώ εσένα
Που αγάπ’ εδέκε με τρανόν
κι εποίκε με άμον παλαλόν
και ζούμε χαρεμένα

Μαζί θα είμες ση χαράν,
μαζί σ’ όλι͜α τα πόνι͜α
Μαζί θα ευτάμε παλαλά
άμον παιδία, άμον μωρά,
να φεύ’νε αέτσ’ τα χρόνι͜α

Όλεν τον κόσμον αγαπώ
αφού αγαπώ εσένα
Αφού για τ’ εσέν μόνο ζω
και τη ζωή μ’ σ’ εσέν χρωστώ
κι εσύ ’σαι για τ’ εμένα

Ατώρα π’ ενταμέθαμε
με τη Θεού το νόμον
Τα ψ̌ήα μουν εδέθανε,
τα τέρτι͜α μουν εδέβανε,
η εγάπ’ για τ’ εμάς μόνον