Γιώργο λένε με

Γιώργο λένε με -ν-,
εμέν θέλ’νε με -ν,
νυφαδόπα και κορτσόπα
αραεύ’νε με -ν

Ευτάω καλά,
χατίρι͜α πολλά,
σα κορτσόπα και νυφόπα
’φτάω ψυχικά

Γιώργο λένε με -ν-
και νασάν εμέν!
Πάντα τραγωδώ
και χαμογελώ
Καμίαν εγώ ’κ’ εποίκα
σε καν’νάν κακόν

Ευτάω καλά,
χατίρι͜α πολλά,
σ’ έμορφες τοι χ̌εράδες
πολλά ψυχικά

Καρδίαν καλόν
και πολλά τρανόν,
Καμίαν εμπροστά ’κ’ έρθεν
σ’ εμένα καλόν

Ευτάω καλά,
χατίρι͜α πολλά,
και σοι γραιάδες
πολλά ψυχικά (x2)

Ευτάω καλά,
χατίρι͜α πολλά,
και σα κορτσόπα
εγώ ψυχικά
Ευτάω καλά,
χατίρι͜α πολλά,
και σοι χ̌εράδες
εγώ ψυχικά