Πουλί μ’, εγώ θα παίρω σε

Πουλί μ’, εγώ θα παίρω σε,
εγάπ’ η καρδι͜ά μ’ ’γομώθεν
Όντες ελέπω σε, πουλί μ’,
το ψ̌όπο μ’ ελαρώθεν

Πουλί μ’, γιατί εσάρεψες
απεσ̌κέσ’ σο καρδόπο μ’;
Εφύτρωσες κι ετράνυνες
και θες να παίρτς το ψ̌όπο μ’

Για τ’ εσέν, σύρω βάσανα,
για τ’ εσέν σύρω πόνι͜α
Για τ’ εσέν σουρουνεύκουμαι
αδά σα μαύρα χρόνι͜α

Αροθυμώ σε και πόνο
σην ψ̌η μ’ απέσ’ θα βάλω
τη σεβντά ντο έχω για τ’ εσέν
καμίαν ’κι ανασπάλλω