Ση Τρίχας το γεφύρι

Ση γέφυραν, ση γέφυραν,
[Έλα, Δαφνοπόταμε!]
ση Τρίχας το γεφύριν
[Ε! Δάφνε μ’ και μυριγμένε]
Χ̌ίλι͜οι μαστόροι έχτιζαν
[Έλα, Δαφνοπόταμε!]
και μύριοι μαθητάδες
[Ε! Δάφνε μ’ και μυριγμένε]

Όλιον τη μέραν έχτιζαν,
[Έλα, Δαφνοπόταμε!]
τη νύχταν εχαλάουτον
[Ε! Δάφνε μ’ και μυριγμένε]
-Ντό δί’ς με, πρωτομάστορα,
[Έλα, Δαφνοπόταμε!]
να στένω το γεφύρι σ’;
[Ε! Δάφνε μ’ και μυριγμένε]

-Αν δίγω σε τη μάνα μου,
[Έλα, Δαφνοπόταμε!]
άλλο μανίτσαν ’κ’ έχω
[Ε! Δάφνε μ’ και μυριγμένε]
Αν δίγω σε τον κύρη μου,
[Έλα, Δαφνοπόταμε!]
άλλο κύρην πα ’κ’ έχω
[Ε! Δάφνε μ’ και μυριγμένε]
Αν δίγω σε την κάλη μου,
[Κόρ’ ανάμ’νον, κόρ’ ανάμ’νον]
καλύτερον ευρήκω!
[Κόρ’, απάν’ ι-σ’ φόρ’ κι ας παμε!]