Τη Τρίχας το γεφύρι

Ση γέφυραν, ση γέφυραν,
[Έλα, Δάφνε μ’ ποταμέ!]
τη Τρίχας το γεφύριν
[Ε! Δάφνε μ’ και μυριγμένε]
Χ̌ίλι͜οι μαστόροι έχτιζαν
[Έλα, Δάφνε μ’ ποταμέ!]
και μύριοι μαθητάδες
[Ε! Δάφνε μ’ και μυριγμένε]

Όλον τη μέραν έχτιζαν,
[Έλα, Δάφνε μ’ ποταμέ!]
το βράδον εχαλάουτον
[Ε! Δάφνε μ’ και μυριγμένε]
-Ντό δί’ς με, πρωτομάστορα
[Έλα, Δάφνε μ’ ποταμέ!]
να στένω το γεφύρι;
[Ε! Δάφνε μ’ και μυριγμένε]

-Αν δίγω σε τον κύρη μου,
[Έλα, Δάφνε μ’ ποταμέ!]
άλλο κύρην πα ’κ’ έχω
[Ε! Δάφνε μ’ και μυριγμένε]
Αν δίγω σε την μάνα μου,
[Έλα, Δάφνε μ’ ποταμέ!]
άλλο μανίτσαν ’κ’ έχω
[Ε! Δάφνε μ’ και μυριγμένε]
Αν δίγω σε τ’ αδέρφι͜α μου,
[Έλα, Δάφνε μ’ ποταμέ!]
άλλο αδέρφι͜α ’κ’ έχω
[Ε! Δάφνε μ’ και μυριγμένε]
Θα δίγω σε την κάλη μου,
[Έλα, Δάφνε μ’ ποταμέ!]
άλλεν κάλην ευρήκω/ευτάγω!
[Ε! Δάφνε μ’ και μυριγμένε/Κόρ’ ανάμ’νον, κορ’ ανάμ’νον!]