Η Σαντά η Επτάκωμος

Η Σαντά η Επτάκωμος,
με εφτά ενορίας,
με καθαρόν ελληνισμόν
και πολλά εκκλησίας

Ας έμ’ πουλίν κι επέτανα
κι επέγ’να σο χωρίον
Κι ας σα πεγαδομμάτι͜α μουν
νερόν έπινα κρύον

Πού είσαι, νε μαυρο-Σαντά μ’;
Πού είναι τα παρχάρι͜α σ’;
Πού είν’ τα κρύα τα νερά σ’;
Πού είν τα παλληκάρι͜α σ’;

Και ντ’ έμορφα φαίν’νταν πυκνά
και υψηλά τ’ αλάτι͜α
’Κ’ επορώ να ελέπ’ ατα
και παίρω εγώ μουράτι͜α