Λεγνή μ’, λεγνέσσα

Έλα απάν’ σο σ̌ύριγμα μ’,
[Λεγνή μ’, πολλά λεγνέσσα]
έλα απάν’ σο λαλόπο μ’
[Πώς κοιμάσαι μαναχ̌έσσα;]
Έλα τέρεν τα αίματα,
[Λεγνή μ’, πολλά λεγνέσσα]
πως τρέχ’νε ας σο καρδόπο μ’
[Πώς κοιμάσαι μαναχ̌έσσα;]

Λεγνή μ’, λεγνέσσα μ’,
δεκαοχτώ χρονέσσα
Τσ̌ούζω σε και πονώ σε
για ντο είσαι ορφανέσσα

Εμέν κατηγορούνε με,
[Λεγνή μ’, πολλά λεγνέσσα]
ζαέρ ’κι γιαραεύω
[Πώς κοιμάσαι μαναχ̌έσσα;]
Θα ερωτώ τ’ αρνόπο μ’,
[Λεγνή μ’, πολλά λεγνέσσα]
ατό θα ινιανεύω
[Πώς κοιμάσαι μαναχ̌έσσα;]

Λεγνή μ’, λεγνή μ’, 
λεγνή μ’ κι άμον τσατσίν
Ο χρόνος δώδεκα μήνας,
εσύ στούδ’ και πετσίν

’Τραγώδεσα, ’τραγώδεσα,
[Λεγνή μ’, πολλά λεγνέσσα]
εκόπεν η λαλία μ’
[Πώς κοιμάσαι μαναχ̌έσσα;]
Αν αγαπάς με πέει μ’ ατο
[Λεγνή μ’, πολλά λεγνέσσα]
μη τρώω την καρδία μ’
[Πώς κοιμάσαι μαναχ̌έσσα;]

Λεγνή μ’, λεγνέσσα μ’
δεκαοχτώ χρονέσσα
Τσ̌ούζω σε και πονώ σε
για ντο κείσαι μαναχ̌έσσα